जापानको टोकियोमा एक नेपालीको मृत्यु भएको छ । पारिवारिक स्रोतका अनुसार सुगिनामी वार्डअन्तर्गत होरिनोउची बस्दै आएका भोजपुरका ४२ वर्षीय दिवस राईको गएराति मृत्यु भएको हो ।

१३ वर्षदेखि जापानमा श्रीमतीसहित बस्दै आएका राई गएराति ११ बजे आफ्नै कोठामा मृत अवस्थामा भेटिएका थिए ।

शनिबार राति ११ बजे श्रीमती कामबाट फर्कँदा राई मृत अवस्थामा भेटिएको र तुरुन्तै प्रहरीलाई खबर गरी प्रहरीको जिम्मा लगाएको पारिवारिक स्रोतले जनाएको छ ।

राईको मृत्युको कारण पोस्टमार्टमपछि मात्र थाहा हुने प्रहरीले जनाएको छ ।