नेकपा एकीकृत समाजवादीका अध्यक्ष माधवकुमार नेपालले आफूले अहिलेसम्म राष्ट्रपतिका लागि आएको प्रस्तावबारे केही नसोचेको बताएका छन् ।
मंगलबार दाङका सन्चारकर्मीहरुसँग कुराकानी गर्दै उनले यसबारे अहिले आफूले केही सोचिनसकेको र देशका लागि आफूहरुले जस्तोसुकै बलिदान गर्न पनि तयार हुने बताएका छन् ।
उनले राष्ट्रपति आफ्नो पार्टीले पाउने विषयमा चाहिँ नेकपा माओवादी केन्द्र र नेपाली कांग्रेससँग ४ मंसिरमा भएको निर्वाचनअगाडि नै सहमति भएको पनि बताएका छन् ।
यसका लागि नेकपा माओवादी केन्द्रका अध्यक्ष पुष्पकमल दाहाल प्रचण्ड र नेपाली कांग्रेसका सभापति शेरबहादुर देउवा दुवै जना तयार भएको पनि उनले दाबी गरेका छन् ।
फरकधारमा प्रकाशित कुनै समाचारमा तपाईंको गुनासो भए हामीलाई [email protected] मा इमेल गर्न सक्नुहुनेछ । यही इमेलमा तपाईंले आफ्नो विचार वा विश्लेषण, सल्लाह र सुझाव पनि पठाउन सक्नुहुनेछ । हामीसँग तपाईं फेसबुक, ट्विटर, इन्स्टाग्राम, युट्युबमा पनि जोडिन सक्नुहुन्छ ।