सर्वोच्च अदालतले नेपाली सेनाले नियन्त्रणमा लिएका दुईजना सैनिक अधिकृतलाई उपस्थित गराउन आदेश गरेको छ । 

सेनाले प्राड विभागमा कार्यरत महासेनानी महेन्द्रजंग शाह र प्रमुख सेनानी कुलदिप तिम्सिनालाई नियन्त्रणमा राखेको छ ।

उपरथी प्रेम प्रकाश शाहीलाई सघाएको आरोपमा नियन्त्रणमा लिइएका उनीहरुविरुद्ध सर्वोच्चमा बन्दी प्रत्यक्षीकरण रिट दर्ता भएको थियो । बुधबार सर्वोच्चले दुई सैनिक अधिकृतसहित उपस्थित हुन सेनालाई आदेश गरेको छ । 

 न्यायाधीश हरिप्रसाद फुयाँलको इजलाशले उनीहरूलाई नियन्त्रणमा लिएको बारे ‘कारण देखाऊ आदेश’ पनि जारी गरेको छ ।