कपनमा भएको निरा पाण्डे हत्या प्रकरणमा सात दिनसम्म प्रहरीले अभियुक्त पक्राउ गर्न नसकेको भन्दै कांग्रेस महामन्त्री गगन थापाले प्रतिनिधिसभामा प्रश्न उठाएका छन् । 

गत बिहीबार दिउँसो कपनको सरस्वती नगरमा पसल चलाउँदै आएकी बागलुङको बडिगाढ गाउँपालिका घर भएकी ३५ वर्षीय निरा आचार्य पाण्डेको हत्या भएको थियो। 

धारिलो हतियार प्रहारबाट गम्भीर घाइते भएकी आचार्यको उपचारको क्रममा महाजगञ्जस्थित टिचिङ अस्पतालमा मृत्यु भएको थियो।

काठमाडौंमै दिउँसै व्यस्त ठाउँमा भएको हत्या प्रकरणका हत्यारा तत्काल पत्ता लगाउन उनले माग गरेका छन्। प्रहरी प्रशासनप्रति विश्वास गर्ने वातावरण बनाउन पनि उनले गृहमन्त्रीलाई आग्रह गरेका थिए।