प्रधानमन्त्री पुष्पकमल दाहाल प्रचण्डले प्रतिनिधि सभा बैठकमा सांसदले उठाएका प्रश्नको जवाफ दिँदैछन् । बिहान ११ बजेका लागि बोलाइएको बैठक १ बजे सुरु भएको हो ।

प्रधानमन्त्री दाहाल र सभामुख देवराज घिमिरेको छलफल लम्बिएपछि बैठक पूर्वनिर्धारित समयभन्दा ढिला सुरु भएको हो । प्रधानमन्त्री प्रचण्डलाई सोधिने प्रश्नहरू तयार भइसकेको छ ।

संसद् सचिवालयका अनुसार १५ जना सांसदले प्रधानमन्त्रीसँग प्रत्यक्ष प्रश्न गर्नेछन् । प्रधानमन्त्री दाहाललाई सोध्न २० सांसदले लिखित प्रश्न मंगलबार नै संसद् सचिवालयमा बुझाइसकेका थिए ।