काठमाडौं– कर्मचारी नियुक्तिका लागि लिएको परीक्षामा धाँधली भएको आरोप लगाउँदै आन्दोलनरत विद्यार्थी संगठन अखिल क्रान्तिकारीले त्रिभुवन विश्वविद्यालय सेवा आयोगको कार्यालयमा तालाबन्दी गरेको छ । सो संगठन मोहन वैद्य नेतृत्वको नेकपा (माओवादी) निकट विद्यार्थी संगठन हो ।
उनीहरू झन्डै एक महिनायता रिले अनशन बस्दै आएका थिए । कर्मचारी नियुक्तिका लागि लिएको परीक्षामा पदाधिकारीले धाँधली गरी आफन्तलाई उत्तीर्ण गराएको उनीहरूले आरोप लगाउँदै आएका छन् ।
अखिल क्रान्तिकारीले कर्मचारी नियुक्ति खारेजीको माग गर्दै सोमबार बिहान आयोगको मूल गेटमा नै तालाबन्दी गरेको हो । सेवा आयोगले लिएको परीक्षामा आयोगका पदाधिकारीले नातेदारलाई मात्रै उत्तीर्ण गराएको सो संगठनले दाबी गरेको छ ।
फरकधारमा प्रकाशित कुनै समाचारमा तपाईंको गुनासो भए हामीलाई [email protected] मा इमेल गर्न सक्नुहुनेछ । यही इमेलमा तपाईंले आफ्नो विचार वा विश्लेषण, सल्लाह र सुझाव पनि पठाउन सक्नुहुनेछ । हामीसँग तपाईं फेसबुक, ट्विटर, इन्स्टाग्राम, युट्युबमा पनि जोडिन सक्नुहुन्छ ।