Fri, 20 Sep, 2019


पवन र सन्दीपको उत्कृष्ट ब्याटिङ, बंगलादेशलाई नेपालले दियो २६२ रनको लक्ष्य
फरकधार / भदौ २२, २०७६

काठमाडौं– एसिसी यू–१९ एसिया कप क्रिकेटमा नेपालले सानदार खेल खेलेको छ । नेपालले बंगलादेशविरुद्ध भएको आइतबारको खेलमा बंगलादेशलाई २६२ रनको लक्ष्य दिएको हो । 



टस हारेर पहिले ब्याटिङको निम्तो पाएको नेपालले निर्धारित ५० ओभरमा ७ विकेट गुमाएर २६१ रन बनाएको हो । 

श्रीलंकाको पी सारामा भएको खेलमा पवन शर्राफ र सन्दीप जोराले उत्कृष्ट ब्याटिङ गरे । ओपनिङमा गएका पवनले ८१ रनको योगदान दिए । उनीसँगै ओपनिङमा गएका ऋतले ३२ रन योगदान गरे । त्यसपछि केही विकेट नेपालले सस्तोमा नै गुमायो । आसिफ शेख ३ रनमा आउट भए । पाँचौ विकेटका रुपमा पवन आउट भए । त्यति बेला नेपालको स्कोर १७१ थियो । त्यसपछि सन्दीपले ३७ बल खेल्दै ५६ रनको महत्वपूर्ण योगदान दिए । 

बंगलादेशका मोहम्मद तान्जिम हुसेन र मोहम्मद शाहिन आलमले समान २(२ विकेट लिएका छन् ।

सेमिफाइनलमा पुग्ने सम्भावनालाई यथावत राख्न नेपालले यो खेल जित्नै पर्ने हुन्छ । पराजित भएमा नेपाल एक खेल अगाडि नै यू(१९ एसिया कप क्रिकेटको समूह चरणबाटै बाहिरिनेछ ।


यस विषयसँग सम्बन्धित समाचार

यो सामाग्री सेयर गर्नुहोस्


यो पनि नछुटाउनुहोस्