काठमाडौं– एशियाली विकास बैंक (एडिबी)ले शुक्रबार नेपाल म्याक्रोइकोनोमिक अपडेट सार्वजनिक गरेको छ । एडिबीले त्यसमा नेपालको यस आर्थिक वर्षको आर्थिक वृछि ६ प्रतिशतभन्दा माथि हुने प्रक्षेपण सार्वजनिक गरेको हो ।
तर, सरकारले चालु आर्थिक वर्षमा साढे ८ प्रतिशत आर्थिक वृद्धि हुने लक्ष्य राखेको थियो । गत आर्थिक वर्षमा नेपालको आर्थिक वृद्धिदर ७.१ प्रतिशत थियो । यो वर्ष पनि एडिबीले प्रक्षेपण गरेको आर्थिक वृद्धिदर हासिल भएमा लगातार चार वर्ष नेपालको आर्थिक वृद्धिदर ६ प्रतिशतभन्दा माथि हुनेछ ।
एडिबीले संघीय तथा स्थानीय तहसम्मका सरकारहरुको पुँजीगत खर्चमा उल्लेख्य सुधार हुने भएकाले यो वृद्धिदर हासिल हुने अनुमान गरेको हो ।
एडिबीले मूल्यवृद्धि चाहिँ अहिले सरकारले गरेको प्रक्षेपणभन्दा पनि कम हुनसक्ने अनुमान गरेको छ । एडिबीले चालू आर्थिक वर्षमा मूल्यवृद्धि ५ प्रतिशत हुने अनुमान गरेको हो ।
फरकधारमा प्रकाशित कुनै समाचारमा तपाईंको गुनासो भए हामीलाई [email protected] मा इमेल गर्न सक्नुहुनेछ । यही इमेलमा तपाईंले आफ्नो विचार वा विश्लेषण, सल्लाह र सुझाव पनि पठाउन सक्नुहुनेछ । हामीसँग तपाईं फेसबुक, ट्विटर, इन्स्टाग्राम, युट्युबमा पनि जोडिन सक्नुहुन्छ ।