रुकुम-  आठबीसकोट नगरपालिका १४ को वडा कार्यालय तोडफोड गर्ने तीन जनालाई प्रहरीले पक्राउ गरेको छ । पक्राउ पर्नेमा सोहि वडाका २१ वर्षीय विश्वास मल्ल, २१ वर्षीय दिपक भन्ने समिर चन्द र १९ वर्षीय तिलक मल्ल रहेका छन् । 

विश्वास र समिरलाई गाउँबाटै पक्राउ गरिएको र तिलकलाई भाग्दै गरेको अवस्थामा सानीभेरी गाउँपालिका १ पुर्तिमकाँडाबाट पक्राउ गरिएको प्रहरीले जनाएको छ । तोडफोडको कारण वडा कार्यालयका ढोका र झ्यालमा क्षति भएको प्रहरीको भनाई छ । पक्राउ परेकाविरुद्ध जिल्ला प्रशासन कार्यालयमा मुद्दा दर्ता गरी अनुसन्धान कार्य थालिएको प्रहरीले जनाएको छ ।