काठमाडौं– जिल्ला अदालत काठमाडौंले यौन हिंसाको आरोप लागेका निवर्तमान सभामुख कृष्णबहादुर महरलाई पक्राउ गर्न अनुमति दिएको छ । 

संसद सचिवालयमा नै काम गर्ने कर्मचारी रोशनी शाहीमाथि बलात्कार प्रयास गरेको उजुरी उनीमाथि परेको थियो । रोशनीले शुक्रबारमात्र जाहेरी दिएकी थिइन् । जाहेरी परेलगत्तै प्रहरीले महरालाई पक्राउ गर्न अदालतसँग अनुमति मागेको थियो । 

जिल्ला अदालत काठमाडौंका न्यायाधीश ब्रजेश प्याकुरेलको इजलासले महरालाई पक्राउ गर्न अनुमति दिएको हो ।

अदालतले अनुमति दिएपछि बलात्कार प्रयासको आरोपमा महरालाई प्रहरी पक्राउ गर्ने बाटो खुलेको छ ।