काठमाडौं– बिहीबार सेयर बजारमा गिरावट आएको छ । नेप्सेमा गिरावट आए पनि कारोबार रकम भने वृद्धि भएको छ ।
सेयर कारोबार मापन गर्ने नेपाल स्टक एक्सचेन्ज (नेप्से) परिसूचक बिहीबार शून्य दशमलव ६२ अंकले घटेर १ हजार १ सय ६७ दशमलव ४१ अंकमा पुगेको छ । नेप्से घटेको दिन सेन्सिटिभ इन्डेक्स्ट पनि शून्य दशमलव ३६ अंकले घटेर २ सय ५४ दशमलव ३६ अंकमा पुग्यो ।
यस दिन बजारमा १ सय ७२ कम्पनीका १६ लाख ४१ हजार २ सय ११ कित्ता सेयर ५८ करोड ८६ लाख ७७ हजार ८ सय ८७ रुपैयाँमा कारोबार भए ।
बिहीबार बजारमा कारोबारमा आएका १२ वटा समूहगत उपसूचकमध्ये चार सूचक उकालो लागे भने आठ सूचक ोरालो लागे । उकालो लाग्नेमा ट्रेडिङ समूह सर्वाधिक ३५ दशमलव ७२ अंकले उकालो लाग्यो भने, निर्जीवन बिमा समूह सर्वाधिक २४ दशमलव ६७ अंकले ओरालो लाग्यो ।
नेपाल बैंकको सेयरको कारोबार सबैभन्दा धेरै भयो । कम्पनीको सेयर १३ करोड २२ लाख ११ हजार २ सय ४८ रुपैयाँमा कारोबार भयो ।
नेपाल सेवा लघुवित्तका लगानीकर्ताले सर्वाधिक ८ दशमलव ८० प्रतिशत सेयर मूल्य कमाए, त्यसैगरी पाँचथर पावर कम्पनीका लगानीकर्ताले सर्वाधिक ७ दशमलव ६२ प्रतिशत सेयर मूल्य गुमाए ।
फरकधारमा प्रकाशित कुनै समाचारमा तपाईंको गुनासो भए हामीलाई [email protected] मा इमेल गर्न सक्नुहुनेछ । यही इमेलमा तपाईंले आफ्नो विचार वा विश्लेषण, सल्लाह र सुझाव पनि पठाउन सक्नुहुनेछ । हामीसँग तपाईं फेसबुक, ट्विटर, इन्स्टाग्राम, युट्युबमा पनि जोडिन सक्नुहुन्छ ।