काठमाडौं– विश्वमा सन्त्रासको माहोल बनाएको कोरोना भाइरसबारे प्रधानमन्त्री केपी शर्मा ओलीले शुक्रबार साँझ देशवासीको नाममा सम्बोधन गरे । सम्बोधनमा उनले नेपाली मनोबल उच्च रहेको स्मरण पनि गराए । 

आफू अस्पताल जानु पहिले नै यस विषयमा उपप्रधानमन्त्री ईश्वर पोखरेलको नेतृत्वमा टिम बनाएको, त्यसले काम गर्न थालिसकेको पनि प्रधानमन्त्री ओलीले बताएका छन् । 

यही सम्बोधनमा प्रधानमन्त्री केपी शर्मा ओलीले नेपालीसँग आठ आग्रह गरेका छन् । 

ती हुन्ः 

•  सरसफाईमा उचित ध्यान दिनुहोस्– साबुन पानीले पटकपटक हात धुने र स्यानिटाइजर प्रयोग गर्ने गर्नुहोस् ।
•  भीडभाडबाट टाढै रहनु होस्,
•  सकेसम्म घरमै बस्नुहोस्,
• अत्यावश्यक वस्तुको अधिक सञ्चय नगर्नु होस्,
•  हल्ला र अफवाहहरूबाट भ्रमित र प्रभावित नहुनुहोस्,
•  चिकित्सक, विज्ञ तथा प्राविधिकहरुको सल्लाहलाई पालना गर्नुहोस्,
•  धैर्यवान हुनुहोस् र संयमता अपनाउनु होस्, र
•  सावधान हुनुहोस् तर आतङ्कित नहुनुहोस् ।