एजेन्सी– समाचार एजेन्सी रोयटर्सका अनुसार इटालीमा सोमबार कोरोना भाइरस संक्रमणका कारण ६०२ जनाको मृत्यु भएको छ । यसका साथसाथै इटालीमा मृत्यु हुनेको संख्या ६०२८ पुगेको छ ।

तर, बिर्सनु हुँदैन, यसअघि इटालीमा प्रत्येक दिन योभन्दा धेरै जनाको मृत्यु भइरहेको थियो । 

गत शनिबार इटालीमा एकै दिनमा कोरोनाका कारण ७९३ जनाको मृत्यु भएको थियो । आइतबार यो घटेर ६५१ पुगेको थियो । अब सोमबार यो झन् घटेर ६०२ पुगेको छ । 

मृत्युमा मात्र होइन, इटालीमा नयाँ संक्रमणमा पनि कमी आएको छ ।

उता, अमेरिकामा कोरोना भाइरसको संक्रमण ३५ हजार मानिसमा भेटिइसकेको छ । त्यहाँ अहिलेसम्म ४९५ जनाको मृत्यु भएको छ । पूरै विश्वमा अब कोरोनाका कारण मृत्यु हुनेको संख्या १५ हजार ४ सय पुगेको छ ।