एजेन्सी– पछिल्लो समय कोरोना भाइरसका कारण हुने रोग कोभिड १९ को रोकथाम तथा संक्रमण फैलिन नदिन विभिन्न देशहरुले लकडाउनको घोषणा गरेका छन् ।
योसँगै प्रहरीले ती देशहरुमा बाहिर निस्किएका मानिसहरुमाथि विभिन्न कारवाही पनि बढाएको छ । नेपालमा पनि केही दिनअघि लकडाउनमा बाहिर निस्किएका युवाहरुलाई प्रहरीले कुटेको, लाठी प्रहार गरेको, उठबस गर्न लगाएको तथा मुर्गा बनाएका समाचार आएका थिए ।
त्यस्तै, भारतबाट पनि यस्ता दृश्यहरुले सामाजिक सन्जालमा निकै स्पेस पाएका थिए । सामाजिक सन्जालमा मात्र होइन, मिडियामा पनि यी विषयमा निकै समाचार आए ।
अब, दक्षिण अफ्रिकाका पनि यस्तै दृश्य अहिले सामाजिक सन्जाल तथा अन्तर्राष्ट्रिय मिडियामा छाउन थालेका छन् । दक्षिण अफ्रिकाले पनि कोरोना रोकथामका लागि ३ साता लामो लकडाउन घोषणा गरेको छ । योसँगै त्यहाँका प्रहरी र सेना सडकमा बाक्लो नम्बरमा देखिन थालेको छ । अनि उनीहरुले लकडाउनको अवज्ञा गर्नेहरुलाई सडकमा नै समाउने तथा लाठी प्रहार गर्न थालेका छन् ।
फरकधारमा प्रकाशित कुनै समाचारमा तपाईंको गुनासो भए हामीलाई [email protected] मा इमेल गर्न सक्नुहुनेछ । यही इमेलमा तपाईंले आफ्नो विचार वा विश्लेषण, सल्लाह र सुझाव पनि पठाउन सक्नुहुनेछ । हामीसँग तपाईं फेसबुक, ट्विटर, इन्स्टाग्राम, युट्युबमा पनि जोडिन सक्नुहुन्छ ।