एजेन्सी– भारतको केन्द्रीय गृहमन्त्रायले आइतबार भारतमा भइरहेको कोरोना भाइरसका कारण लकडाउनबारे केही निर्देशनहरु दिएको छ । 

गृहमन्त्रालयले सबै राज्य तथा केन्द्र शासित प्रदेशमा आआफ्ना सीमा सिल गर्न निर्देशन दिएको छ । अनि त्यहाँका हाइवेहरुमा मानिसहरुको आवातजावत बन्द गर्न पनि गृहमन्त्रालयले निर्देशन दिएको छ ।

गृहमन्त्रालयले बाटोमा फँसेका मानिसहरुका लागि त्यही प्रदेश सरकारले खाने र बस्ने व्यवस्था गर्न पनि निर्देशन दिएको छ ।

अनि साथसाथै त्यहाँको गृहमन्त्रालयले यस समयको तलब पनि मजदूरलाई दिनै पर्ने नियम ल्याएको छ । घरबेटीहरुका लागि पनि भारतीय गृहमन्न्त्रालयले नया नियम ल्याएको छ– लकडाउनको समयको भाडा नलिनू र कसैलाई पनि घर खाली गर्न नभन्नू !