काठमाडौं– कोभिड १९ विरुद्ध लड्न भारतले नेपाल सरकारालई २३ टन अत्यावश्यक औषधि सहयोग गरेको छ । 

नेपालका लागि भारतीय राजदूत विनयमोहन क्वात्राले यी औषधी स्वास्थ्यमन्त्री भानुभक्त ढकाललाई बुधबार हस्तान्तरण गरेका छन् । भारतीय राजदूतावासले जारी गरेको विज्ञप्तिअनुसार यसरी दिइएको औषधीमा पारासिटामोलको ३।२ लाख डोज र हाईड्रोक्सीक्लोरोक्वीनको २।५ लाख डोज गरी कुल ८।२५ लाख डोज छन् ।

यस पहलले सबै अवस्था र परिस्थितिमा नेपाल र भारतबीच सहकार्य जारी रहने प्रतिबद्धतालाई दर्शाउने राजदूतावासले जनाएको छ ।

भारतको सहयोगलाई लिएर प्रधानमन्त्री केपी शर्मा ओलीले ट्वीटरमार्फत भारतका समकक्षी नरेन्द्र मोदीलाई धन्यवाद दिएका छन् ।