एजेन्सी– इटालीमा कोरोनाभाइरस संक्रमणका कारण मृत्यु हुनेको संख्या २५ हजार नाघेको छ । 

सिभिल प्रोटेक्सन सर्भिसका अनुसार बुधबार इटालीमा ४ सय ३७ जनाको मृत्यु कोभिड १९ का कारण भएको छ । योसँगै इटालीमा कोरोनाभाइरसका कारण ज्यान गुमाउनेको संख्या २५०८५ पुगेको छ ।

अर्कोतिर, इटालीमा लगातार तेस्रो दिन नयाँ संक्रमितको संख्यामा कमी आइरहेको छ । अब त्यहाँ कोरोनाभाइरस संक्रमितको संख्या १ लाख ७ हजार ६ सय ९९ पुगेको छ । 

इटालीका प्रधानमन्त्रीले यो साताको अन्त्यमा लकडाउन हटाउने योजनाको घोषणा गर्ने बताएका छन् ।