Fri, 05 Jun, 2020


परीक्षाका लागि हङ्गेरीमा विद्यार्थी फर्किए कक्षाकोठामा
फरकधार / बैशाख २२, २०७७

नेपालमा जस्तै विश्वभर कोरोनाभाइरस महामारीका कारण विद्यार्थीहरुको भविष्य अन्योलमा परेको छ । यहीबीच हंगेरीमा चाहिँ ८४ हजार विद्यार्थीले आफ्नो स्कुल शिक्षाको अन्तिम परीक्षा दिन थालेका छन् । हंगेरीमा पनि लकडाउन छ, तर त्यहाँको सरकाले विद्यालयस्तरका परीक्षा चाहिँ लिन सुरु गरेको छ । 



तर, सरकारले परीक्षा लिए पनि हंगेरीका अभिभावक तथा शिक्षक संगठनहरुले यसको विरोध गरेका छन् । उनीहरुले विद्यार्थी र शिक्षकबाट कोरोनाभाइरस संक्रमणको त्रास फैलिने हुँदा यसलाई रोक्नु पर्ने बताउँदै आएका छन् । 

हंगेरी सरकारले चाहिँ त्यहाँ लिखित परीक्षा दुई सातामा सिमित गरेको छ । त्यहाँ मौखिक परीक्षाहरु चाहिँ रोकिएका छन् । एउटा कोठामा सात जना विद्यार्थी राखेर त्यहाँ परीक्षा लिने गरिएको छ ।

हंगेरीमा अहिलेसम्म ३ हजार कोरोनाभाइरस संक्रमित भेटिएका छन् । त्यहाँ ३ सय ५० जनाको कोभिड १९ का कारण निधन भइसकेको छ ।
 

 


फरकधारमा प्रकाशित कुनै समाचारमा तपाईंको गुनासो भए हामीलाई news@farakdhar.com मा इमेल गर्न सक्नुहुनेछ । यही इमेलमा तपाईंले आफ्नो विचार वा विश्लेषण, सल्लाह र सुझाव पनि पठाउन सक्नुहुनेछ । हामीसँग तपाईं फेसबुक ट्विटरमा पनि जोडिन सक्नुहुन्छ ।


यो सामाग्री सेयर गर्नुहोस्


यो पनि नछुटाउनुहोस्