चीनको लान्झोउबाट नेपालका सामाग्री लिएको एक कार्गो रेल शुक्रबार नेपालका लागि छुटेको छ । यो रेल अब लान्झोउ अन्तर्राष्ट्रिय सुख्खा बन्दरगाहबाट नेपालका लागि आउन लागेको हो ।
चिनियाँ सन्चारमाध्यमले जनाएअनुसार यो रेल तिब्बतको सिगात्सेसम्म आउँदैछ । त्यहाँबटा सडकमार्गबाट ट्रकमा ती सामान नेपाल ल्याइनेछ ।
गत वर्ष नेपाल र चीनबीच हिमालयपार व्यापार तथा पारवहन सम्झौता भएको थियो । त्यही सम्झौताअनुसार यो रेल पहिलो पटक नेपालका लागि छुटेको हो ।
रेलमा आएका सामाग्री नेपाल आइपुग्न १० दिन लाग्ने चाइना न्युजले उल्लेख गरेको छ ।
यो रेलमा २६ व्यापारिक समूहका १३ लाख अमेरिकी डलर बराबरका सामान छन् । यसमा लत्ताकपडा, जुत्ता, अटो पार्ट्स तथा निर्माण सामाग्री भएको जनाइएको छ । अब सिगात्सेबाट यो रेलमा आएका सामान केरुङ र तातोपानी हुँदै नेपाल आइपुग्नेछन् ।
फरकधारमा प्रकाशित कुनै समाचारमा तपाईंको गुनासो भए हामीलाई [email protected] मा इमेल गर्न सक्नुहुनेछ । यही इमेलमा तपाईंले आफ्नो विचार वा विश्लेषण, सल्लाह र सुझाव पनि पठाउन सक्नुहुनेछ । हामीसँग तपाईं फेसबुक, ट्विटर, इन्स्टाग्राम, युट्युबमा पनि जोडिन सक्नुहुन्छ ।
