नेपालमा पछिल्लो २४ घण्टामा ४ सय २१ जना संक्रमित थपिएका  छन् । स्वास्थ्य तथा जनसंख्या मन्त्रालयका प्रवक्ता जागेश्वर गौतमले दिएको जानकारीअनुसार नेपालमा कुल संक्रमितको संख्या ९ हजार २६ पुगेको छ ।

मन्त्रालयको नियमित पत्रकार सम्मेलनमा  दिइएको जानकारीअनुसार आइतबार १९४ जना कोरोनाबाट निको भएका छन् ।
 निको हुनेमध्ये १८६ पुरुष र ८ महिला छन् । हालसम्म  कुल निको हुनेको संख्या १ हजार ७ सय ७२ पुगेको छ । 

विगत २४ घण्टामा ८ हजार ६ जनाको पिसिआर परीक्षण गरिएको मन्त्रालयले जानकारी दिएको छ छ । हालसम्म देशभर १ लाख ७५ हजारभन्दा  बढीको पिसिआर परीक्षण भएको मन्त्रालयले जनाएको छ ।