दशकको सुशीयाली स्पेनले आजभन्दा ठीक १० वर्षअघि विश्वकप फुटबलको उपाधि पहिलोपटक उपाधि जितेको थियो । त्यो स्पेनको पहिलो र एक मात्र विश्वकप उपाधि हो ।

दक्षिण अफ्रिका गएर विश्वविजेता बनेको त्यो क्षण स्पेनिस फुटबलरहरुले कहिल्यै नभुलेको बताएका छन् । उनीहरु आज खुसी साटासाट गरिहेका छन् । बिहानैदेखि विश्वकप क्षणहरु सामाजिक सञ्जालमा पोस्ट गरिहेका छन् ।

यसैबीच, स्पेनिस राष्ट्रिय टिममा वर्तमान कप्तान तथा विश्वकप विजेता टोलीका सदस्य सर्जियो रामोसले पनि आज ट्विट गर्दै विश्वकप उपाधि दशकको खुशियाली मनाएका छन् ।

‘१० वर्षअघिको त्यो दिन यता हामी सबै खुसी छौं’, उनले भनेका छन् ।

रामोसले मात्र नभएर एकर कासियास, जाभी, आन्द्रेस इनियस्टा, डेभिड भिल्लालगायतका खेलाडीले सामाजिक सञ्जालमा विश्वकप दशक मनाएका छन् ।