कोरोनाभाइरस (कोभिड १९) का कारण भियतनाममा पहिलो मृत्यु भएको छ । भियतनामको सरकारी मिडियाअनुसार कोभिड १९ का कारण पहिलो मृत्यु भएको हो । 

भियतनाम सरकारले क्वारेन्टिन तथा फिजिकल डिस्टेन्सिङका लागि कडा नियम लागू गरेको छ । त्यसैले पनि यसअघि त्यहाँ कोरोनाभाइरसको संक्रमण बढी देखिन पाएको थिएन । 

तर, पछिल्लो समय समुद्री तटमा पर्यटकको संख्या बढ्न थालेपछि भियतनाममा पनि कोरोनाका संक्रमित फेरि भेटिन थालेका छन् । 

तर, अझै त्यहाँ कोरोना संक्रमण कहाँबाट फैलिएको छ भन्ने थाहा भइसकेको छैन ।