काठमाडौं– कर्णालीमा पछिल्लो चौबिस घण्टामा थप २४ जनामा कोरोना पुष्टि भएको छ । यससँगै संक्रमितको संख्या दुई हजार नाघेको छ ।

कर्णालीको सामाजिक विकास मन्त्रालयका अनुसार सोमबार दैलेख अस्पताल प्रयोगशालामा गरिएको परीक्षणमा दैलेखका १७, प्रदेश अस्पताल–पशुपन्छी रोग अन्वेषण प्रयोगशालामा गरिएको परीक्षणमा सल्यानका ६ र सुर्खेतका एक गरी २४ जनामा संक्रमण पहिचान भएको छ ।  

हाल कर्णालीमा ११७ जना कोरोनाका सक्रिय बिरामी छन् भने ६ जनाको मृत्यु भइसकेको छ । कोरोना निको भई डिस्चार्ज भएकाको संख्या एक हजार ८८० पुगेको छ ।