कास्कीमा जारी निषेधाज्ञा ५ दिन बढाइएको छ । पोखरा महानगरपालिकामा समुदायमा कोरोना संक्रमण देखिएपछि भदौ २ गतेदेखि जारी निषेधाज्ञा बढाएर भदौ १२ गतेसम्म पुर्याइएको बताइएको छ ।

आइतबार सम्पन्न महानगरको कोरोना संक्रमण रोकथाम मूल समितिको बैठकले संक्रमित बढिरहेकाले १२ भदौसम्म बन्दाबन्दीलाई निरन्तरता दिने निष्कर्ष निकाल्दै निषेधाज्ञा लम्ब्याउन जिल्ला प्रशासन कार्यालयलाई सिफारिस गरेको थियो । जिल्ला प्रशासन कार्यालयले महानगरको सोही सिफारिश अनुमोदन गरेको हो ।

पोखरा महानगरका मेयर मानबहादुर जिसीले भदौ १२ गतेपछि निषेधाज्ञा जारी गर्न नपरोस् भन्नका लागि बैंक तथा वित्तीय क्षेत्र, वर्कसप लगायत ठाउँ व्यवस्थित गर्ने तयारीमा जुटेको जानकारी दिए ।

अहिले पोखरामा १४० को हाराहारीमा सक्रिय संक्रमित रहेका छन् । तीमध्ये करिब ३० जना होम क्वारेण्टिनमा छन् । पोखरामा आइतबार मात्रै एकजना ट्याक्सी ड्राइभर र संक्रमितको सम्पर्कमा आएका २ जना स्वास्थ्यकर्मीसहित ४ जनामा संक्रमण देखिएको छ ।