बाँकेमा थप एक कोरोना संक्रमितको मृत्यु भएको छ । कोहलपुर मेडिकल कलेजमा उपचारका लागि भर्ना भएका नेपालगन्ज उपमहानगरपालिकाका ३७ वर्षीय पुरुषको बाँकेमा निधन भएको हो । 

उनी कोरोना संक्रमणका साथासाथै निमोनियाको समस्याबाट पनि पीडित थिए । ८ भदौमा उनलाई अस्पताल भर्ना गरिएको थियो । त्यसको भोलिपल्ट उनको कोरोना रिपोर्ट पोजेटिभ आएको थियो ।

उनको भेन्टिलेटरको सहयोगमा उपचार भइरहँदा निधन भएको हो ।

योसँगै बाँकेमा ५ जनाले कोभिड १९ का कारण ज्यान गुमाएका छन् । प्रदेश ५ चाहिँ अब कोरोनाबाट ज्यान गुमाउनेको संख्या २४ पुगेको छ ।