नेपालमा पछिल्लो समय कोरोनाभाइरसको प्रभाव बढ्न थालेको छ । 

आजबाट सरकारले यसअघि लगाएका सबै निषेधाज्ञाहरु हटाएको छ । त्यसैले थप सतर्कता नपनाउने हो भने कोरोना संक्रमण झन् बढ्न सक्ने अनुमान गरिएको छ । 

कोरोनाभाइरसका कारण अहिलेसम्म सबैभन्दा प्रभावित जिल्ला हो काठमाडौं । काठमाडौंमा मात्र अहिलेसम्म १० हजार ५ सय ८१ जनामा कोरोनाभाइरस संक्रमण पुष्टि भइसकेको छ । 

काठमाडौं कोरोनाका कारण सबैभन्दा धेरैले ज्यान गुमाएको जिल्ला पनि हो । काठमाडौंमा अहिलेसम्म ६५ जनाले कोरोनाका कारण ज्यान गुमाएका छन् । 

नेपालमा कोरोनाका कारण दोस्रो प्रभावित जिल्ला पर्सामा अहिलेसम्म २ हजार ५ सय ४१ कोरोना संक्रमित भेटिएका छन् । त्यहाँ ४४ जनाले ज्यान गुमाइसकेका छन् । 

कोभिड १९ कै कारण २० जनाभन्दा बढीको मृत्यु भएको अर्को जिल्ला हो मोरङ । मोरङमा २ हजार ३ सय ५१ जना संक्रमित हुँदा २५ जनाले ज्यान गुमाइसकेको स्वास्थ्य मन्त्रालयले जनाएको छ ।