सुशान्त सिंह राजपुतको निधन भएको अब केही महिना भइसकेको छ । तर, हरेक दिन यो विषयमा नयाँ नयाँ खुलासा भइरहेको छ । अब आएको एक नयाँ खुलासाले त सबैलाई अचम्ममा पारिदिन्छ । टाइम्स नाउको रिपोर्टअनुसार सुशान्तले आत्महत्या गर्नुभन्दा पाँच दिनअघि मात्र आफ्नी बहिनी मितूलाई मेसेज गरेका थिए । 

अनि मेसेजमा उनले लेखेका थिए– मलाई फसाउन सकिन्छ, मलाई डर लागेको छ, मलाई मारिदिन सक्छन् ।

९ जुनमा सुशान्तले यो मेसेज गरेका थिए । यही समयमा सुशान्तले रियालाई पनि सम्पर्क गर्न निकै प्रयास गरेको बताइएको छ । तर, रियाले सुशान्तलाई ब्लक गरेको टाइम्स नाउको रिपोर्टमा उल्लेख गरेका छन् ।