म्यानचेस्टर सिटीका मिडफिल्डर इल्काइ गुण्डोगानलाई कोरोना भाइरस (कोभिड–१९) संक्रमण पुष्टि भएको छ । 

कोरोना पुष्टि भएपछि गुण्डोगान आइसोलेशनमा छन् । मिडफिल्डर गुण्डोगान १० दिने आइसोलेशनमा रहेको  सिटीलाई उद्धृत गर्दै बीबीसीले जनाएको छ ।

कोरोना संक्रमणले उनी प्रिमियर लिग यो सिजनको पहिलो खेलमा अनुपस्थित भएको क्लबले जनाएको छ । 

उनको अनुपस्थितिमै सोमबार राति भएको पहिलो खेलमा सिटीले बुल्भ्सलाई ३–१ ले पराजित गरेको छ । 

विश्वव्यापी महामारीको रुपमा फैलिएको कोरोना संक्रमण गुण्डोगानसँगै प्रिमियर लिगका तीन खेलाडी र पदाधिकारीमा पुष्टि भएको हो ।
 
यसअघि म्यानचेस्टर सिटीका रियाद महरेज र एयीमेरिक लपोर्टमा कोरोना पुष्टि भएको थियो । आइसोलेशनको समय पूरा गरेर उनीहरु भने प्रशिक्षणमा फर्किसकेका छन् । 

बीबीसीका अनुसार आइतबारसम्म प्रिमियर लिगका १५ सय ७४ खेलाडी र कर्मचारीमा कोरोना संक्रमण भएको छ ।