सत्तारुढ नेपाल कम्युनिस्ट पार्टी (नेकपा)को सचिवालय बैठकले अनशनरत डा. गोविन्द केसीलाई अनशन अन्त्य गर्न अनुरोध गरेको छ।
डा. केसी २३ दिनदेखि शिक्षण अस्पतालमा अनशनरत छन् । विश्वव्यापी महामारीको रुपमा फैलिएको कोरोना फैलिएको अवस्था देखाउँदै नेकपाले तत्कालका लागि अनशन अन्त्य गर्न अनुरोध गरेको हो ।
मंगलबार साँझ प्रधानमन्त्रीनिवास बालुवाटारमा बसेको सचिवालय बैठकले यस्तो अनुरोध गरेको हो । बैठकबारे जानकारी गराउँदै नेकपा प्रवक्ता नारायणकाजी श्रेष्ठले पार्टी अध्यक्षसमेत रहेका प्रधानमन्त्री केपी ओलीले केसीलाई अनशन अन्त्य गर्न सरकारले गरेको अनुरोधसहितको विवरण पेश गरेको जानकारी दिए ।
सोही विवरणअनुसार बैठकले कोरोना संकटको समयमा केसीलाई अनशन अन्त्य गर्न अनुरोध गरेको प्रवक्ता श्रेष्ठले जानकारी दिए ।
फरकधारमा प्रकाशित कुनै समाचारमा तपाईंको गुनासो भए हामीलाई [email protected] मा इमेल गर्न सक्नुहुनेछ । यही इमेलमा तपाईंले आफ्नो विचार वा विश्लेषण, सल्लाह र सुझाव पनि पठाउन सक्नुहुनेछ । हामीसँग तपाईं फेसबुक, ट्विटर, इन्स्टाग्राम, युट्युबमा पनि जोडिन सक्नुहुन्छ ।
