भारतमा केरल सरकारले सामाजिक सन्जाल तथा साइबर क्राइम मुद्दाहरुमा कडा कदम लिन खोजेको छ । यसका लागि उसले निगरानी बढाउन केरल प्रहरी ऐन लागु गर्ने फैसला गरेको छ ।

द इन्डियन एक्सप्रेसमा छापिएको समाचारअनुसार त्यहाँको क्याबिनेटले यो अध्यदेश पारित गरिसकेको छ ।

यो अध्यादेशअनुसार अब कसैले पनि धम्काउने उद्देश्यका साथ कुनै सन्देश पठाएमा उसमाथि कडा कारवाही गर्ने प्रावधान रहेको छ । यो अध्यादेशअनुसार पाँच वर्ष जेल र दश हजार रुपैयाँ जरिवाना हुनसक्ने बताइएको छ ।

भारतमा पछिल्लो समय विभिन्न राज्यहरुले यस्तै कडा कानुन ल्याउन थालेका छन् ।