गोरखा जिल्लामा एक वयस्क चितुवा मृत भेटिएको छ । गोरखा नगरपालिका–४, फिनाम, आरुस्वाँरामा एक पोथी चितुवा मृत अवस्थामा फेला परेको डिभिजन वन कार्यालय गोरखाले जानकारी दिएको छ । 

चितुवाको बारेमा स्थानीयबासीले जानकारी दिएपछि डिभिजन वन कार्यालयबाट खटिएको टोलीले घटनास्थलमा पुगेर मुचुल्का तयार पारी मृत चितुवालाई वन कार्यालयमा ल्याएको डिभिजन कार्यालयले जनाएको छ । 
 
मृत चितुवाको शरीरमा चिथोरिएको जस्तो चोट रहेकाले भाले र पोथी चितुवा जुधेको हुन सक्ने अनुमान बन कार्यालयले गरेको छ । करिब दुईअघि मरेको हुनसक्ने अनुमान गरिएको छ ।