राष्ट्रिय प्रजातन्त्र पार्टीका अध्यक्ष कमल थापाले गणतन्त्रप्रति निराशा छाएकाले सडकबाट राजतन्त्रको माग भएको बताएका छन् ।
बिहीबार हेटौँडामा पार्टीको चुनाव चिह्न हलोको झण्डोत्तलन गर्दै उनले सडकमा देखिन थालेको प्रदर्शन गणतन्त्रप्रतिको निराशा भएको टिप्पणी गरे ।
विदेशी शक्तिसँग झुकेर नेपाललाई जबर्जस्ती रुपमा गणतन्त्र लादेको भन्दै थापाले तत्कालीन ७ दल र माओवादीको आलोचना गरे ।
नेपालमा कम्युनिस्ट र कांग्रेसपछि सांगठनिक रुपमा राप्रपा बलियो भएको दाबी गर्दै उनले पार्टी एकतासँगै राप्रपा नेपाली जनताका लागि वैकल्पिक शक्ति बन्ने दाबी गरे ।
प्रकाशचन्द्र लोहनी र पशुपतिशमशेर राणालाई मनाउन नसक्दा बाध्य भएर हलो चुनाव चिह्न स्विकारेको बताए ।
फरकधारमा प्रकाशित कुनै समाचारमा तपाईंको गुनासो भए हामीलाई [email protected] मा इमेल गर्न सक्नुहुनेछ । यही इमेलमा तपाईंले आफ्नो विचार वा विश्लेषण, सल्लाह र सुझाव पनि पठाउन सक्नुहुनेछ । हामीसँग तपाईं फेसबुक, ट्विटर, इन्स्टाग्राम, युट्युबमा पनि जोडिन सक्नुहुन्छ ।