पछिल्लो समय ‘फूले बुट्टे सारी’बोलको गीत निक्कै लोकप्रिय भयो । गायिका मिलन नेवार र मार्मिक लामाको स्वर रहेको गीत हो यो । यो गीत युट्युबदेखि टिकटकसम्म निक्कै रुचाइयो ।

महिला र पुरुष दुवै स्वरमा गीत लोकप्रिय भएपछि गीतको चाइल्ड भर्सन पनि सार्वजनिक गरिएको छ । गीतको चाइल्ड भर्सनमा अरिष्मा शिवाकोटीको स्वर सुन्न सकिन्छ । सार्वजनिक गीतमा राजनराज शिवाकोटीको शब्द तथा संगीत सुन्न सकिन्छ ।

गीतको चाइल्ड भर्सन सार्वजनिक कार्यक्रममा ‘फुल बुट्टे’ सारी लोकप्रिय भएको भन्दै २ अग्रजलाई सम्मान समेत गरियो । वरिष्ठ कलाकार मदनकृष्ण श्रेष्ठ र गीतकार राजुबाबु श्रेष्ठलाई सम्मान गरिएको हो । गीतले युट्युबमा करोड भ्युज पाएको उपलक्ष्यमा केक काटेर सेलिब्रेट समेत गरियो ।