शुक्रबार नेकपामा आफ्नो समूहले आयोजना गरेको कार्यक्रमलाई सम्बोधन गर्दै प्रधानमन्त्री केपी शर्मा ओलीले सुदूरपश्चिम प्रदेशको विकासको वाधक नेकपा नेता भीम रावल भएको आरोप लगाएका छन् ।
सम्बोधनमा प्रधानमन्त्री केपी शर्मा ओलीले भीम रावलको नाम त लिएनन् तर सुदूरपश्चिमको विकासमा भीम रावलले बाधा पुर्याइरहेको बताए ।
उनले अहिले मान्छेभन्दा कुरा ठूला गर्ने गरेको भन्दै रावलको नाम नलिइ व्यंग्य गरेका हुन् । ‘कुराकानी सानातिना छैनन्, मान्छेभन्दा कुरा ठूला,’ प्रधानमन्त्री ओलीले सम्बोधनमा भनेका थिए, ‘यस प्रदेशको समस्या हो त्यो मान्छे, अब त्यो समस्या अन्त्य भएको छ ।’
यसअघि उनले अछामको एउटा केटो भनेर आफ्नो सम्बोधन सुरु गरेका थिए ।
मन्त्री पद नपाएपछि रावलले आफूविरुद्ध बोल्दै हिँडेको पनि प्रधानमन्त्री ओलीले आरोप लगाए ।
फरकधारमा प्रकाशित कुनै समाचारमा तपाईंको गुनासो भए हामीलाई [email protected] मा इमेल गर्न सक्नुहुनेछ । यही इमेलमा तपाईंले आफ्नो विचार वा विश्लेषण, सल्लाह र सुझाव पनि पठाउन सक्नुहुनेछ । हामीसँग तपाईं फेसबुक, ट्विटर, इन्स्टाग्राम, युट्युबमा पनि जोडिन सक्नुहुन्छ ।