प्रदेश २ को प्रदेश सभाको  तेस्रो वार्षिकोत्सव समारोह चलिरहँदा अचानक सांसदहरुकै बीचमा खैलाबैला मच्चियो । टेन्ट लगाएर गरिएको भव्य कार्यक्रममा महिला सांसद कुर्सीमै बेहोस भएपछि सांसदहरुमा खैलाबैला मच्चिएको हो । जनता समाजवादी पार्टीकी समानुपातिक सांसद किरण राय यादव अचानक कुर्सीमै बेहोस भएकी हुन् ।

तुरुन्तै केही सांसद तथा सचिवालयका कर्मचारीले एक महिला सांसदलाई बोकेर भवनतर्फ लगे । केही सांसद डाक्टरको खोजीमा लागे । कार्यक्रम स्ठल केही क्षणका लागि स्तब्ध भयो ।  

प्रदेशसभा सचिवालयको एउटा कोठामा हाल उनको उपचार भइरहेको छ । गर्मीका कारण उनी बेहोस भएको एक सांसदले बताए ।

महोत्तरीकी सांसद रायले केही समयअघि रक्तदान गरेकी थिइन् । वार्षिकोत्सव समारोह जारी छ ।