दर्शकको अत्यधिक माया पाएको ‘फुलबुट्टे सारी’ बोलको गीतको ‘लिजेण्डरी भर्सन’ सार्वजनिक भएको छ । सो गीतको यसअघि मेल, फिमेल र चाइल्ड भर्सन सार्वजनिक भइसकेको छ । 

मार्मिक लामाको स्वर, राजनराज सिवाकोटीको शब्द तथा संगीतमा १२ वर्षअगाडि रेकर्ड भएको यो गीत पछिल्लो समय मिलन अमात्यको स्वरमा फिमेल भर्सन सार्वजनिक भएको थियो । सो गीतले सवा दुई महिनामा ३ करोडभन्दा बढी भ्युज पाएको छ । 

बुधबार सार्वजनिक लिजेन्डरी भर्सनमा मदनकृष्णले स्वर मात्र दिएका छैनन्, मिथिला शर्मालाई अभिनयमा पनि साथ दिएका छन् । 

पछिल्लो भर्सनको भिडियोलाई राजेश पुमा राईले निर्देशन गरेका हुन् । उत्सव दाहालको छायांकनमा बनेको भिडियोलाई विकास दाहालले सम्पादन गरेका हुन् ।