संसद पुनर्स्थापना गर्ने सर्वोच्च अदालतको फैसला जनताको हितमा रहेको भन्दै प्रदेश २ को अस्थायी राजधानी जनकपुरधाममा दीप प्रज्वलन गरिएको छ ।

सर्वोच्च अदालतले मंगलबार साँझ गरेको संसद पुनर्स्थापनाको स्वागत गरिएको हो । जनता समाजवादी पार्टी नेपालले स्थानीय जनकचोकमा दीप प्रज्वलन गरी दीपावली मनाएका हुन् ।  

जसपाका नेता–कार्यकर्ताहरुले संसद पुनर्स्थापनाको निर्णयलाई स्वागत गर्दै र मैनबत्ती बालेर दीपावली मनाएका छन् । संसद पुनस्थापना भएकोमा खुसियाली व्यक्त गर्दै कार्यकर्ताहरुले न्यायालयलाई धन्यवाद दिएका थिए ।