इङ्ग्लिस क्लब म्यानचेस्टर सिटी पहिलो पटक च्याम्पियन्स लिग फुटबलको फाइनलमा पुगेको छ । सेमिफाइनलमा फ्रेन्च क्लब पेरिस सेन्ट जर्मन, पिएसजीलाई पराजित गर्दै उपाधि भिडन्तका लागि स्थान पक्का गरेको हो ।
सेमिफाइनलको दोस्रो लेगमा पिएसजीलाई २–० ले हराउँदै समग्रमा ४–१ गोल अन्तरको नतिजा सहित सिटी फाइनल पुगेको हो । दोस्रो लेगमा सिटीलाई जित दिलाउन दुवै गोल रियाद महरेजले गरे ।
खेलको ११औँ मिनेटमा महरेजले गोल गर्दै सिटीलाई अग्रता दिलाएका थिए । ६३औँ मिनेटमा फिल फोडिनको पासमा व्यक्तिगत दोस्रो गोल गर्दै महरेजको सिटीको जित पक्का गरे ।
पिएसजीले १० खेलाडीमा सीमित रहँदै खेलको अन्त्य गरेको थियो । एन्जल डी मारिया रातो कार्ड खाँदै मैदानबाट बाहिरिएपछि लिग वान क्लब १० खेलाडीमा सीमित बनेको थियो ।
यसअघि सेमिफाइनलको पहिलो लेगमा सिटीले २–१ को अग्रता बनाएको थियो । सिटी पछिल्लो तीन सिजन च्याम्पियन्स लिग फुटबलको क्वार्टरफाइनलमा पराजित हुँदै आएको थियो । सिटीले सन् २०१६ मा सेमिफाइनल खेलेको थियो ।
सिटीले उपाधिका लागि चेल्सी र रियल मड्रिड बीचको विजेतासँग प्रतिस्पर्धा गर्नेछ । चेल्सी र रियल मड्रिडले पहिलो लेग १–१ गोलको बराबरीमा खेलेका छन् ।
दोस्रो लेग चेल्सीको घरेलु मैदान स्टामफोर्ड ब्रिजमा हुनेछ । फाइनल खेल टर्कीको इस्तानबुलमा मे २९ मा हुनेछ ।
WHAT A NIGHT! Get all the full-time reaction from the studio! 🤩
— Manchester City (@ManCity) May 4, 2021
Get involved using #WNRH 💬
🔷 #ManCity | https://t.co/axa0klD5re https://t.co/XnbgwavsIY
फरकधारमा प्रकाशित कुनै समाचारमा तपाईंको गुनासो भए हामीलाई [email protected] मा इमेल गर्न सक्नुहुनेछ । यही इमेलमा तपाईंले आफ्नो विचार वा विश्लेषण, सल्लाह र सुझाव पनि पठाउन सक्नुहुनेछ । हामीसँग तपाईं फेसबुक, ट्विटर, इन्स्टाग्राम, युट्युबमा पनि जोडिन सक्नुहुन्छ ।