वरिष्ठ गायक प्रेमध्वज प्रधानको निधन भएको छ । बिहीबार दिउँसो प्रधानको निधन भएको संगीतकार लक्षमण शेषले जानकारी दिए । उनलाई गत शुक्रबार छातीमा सामान्य इन्फेक्सन देखिएपछि अस्पताल भर्ना गरिएको थियो । ८२ वर्षीय प्रधानको न्यूरो अस्पतालमा उपचारका क्रममा निधन भएको हो । 

उनमा सामान्य ज्वरो र छातीमा इन्फेक्सन देखिएपछि कोरोनाको शंका गरिएको थियो । तर, पीसीआर रिपोर्ट भने नेगेटिभ आएको थियो । प्रधानको सन २०१५ मा ‘हेमाटोमा’को शल्यक्रिया गरिएको थियो ।