जनता समाजवादी पार्टीको महन्थ ठाकुर पक्ष सरकारमा जाने टुंगो लागेको छ । प्रधानमन्त्री केपी शर्मा ओली सरकारमा सहभागी हुने नेताहरुको टुंगो लागेको छ। 

उद्योग वाणिज्य तथा आपूर्ति मन्त्रालयसहित राजेन्द्र महतोले जसपाका तर्फबाट नेतृत्व गर्ने गरी तय भएको जसपा निकट स्रोतले जानकारी दिएको छ । 

स्रोतका अनुसार ठाकुर पक्षका नेता राजेन्द्र महतोलाई उद्योग वाणिज्य तथा आपूर्ति मन्त्रालयको जिम्मेवारी दिइने भएको छ । त्यस्तै, शरद सिंह भण्डारीलाई ऊर्जा, जलस्रोत तथा सिंचाई मन्त्रालय, अनिल झालाई शहरी विकास मन्त्रालय, बिमल श्रीवास्तवलाई खानेपानी मन्त्री, उमाशंकर अरगरिया युवा खेलकुद मन्त्रालयको जिम्मेवारी दिइने तय भएको स्रोतले दाबी गरेको छ ।