युरो कप अन्तर्गत शनिबार राति भएको क्वाटरफाइनलमा युक्रेनमाथि ४-० को जित निकाल्दै इङ्ल्यान्डले सेमिफाइनलमा स्थान पक्का गरेको छ । 

१९९६ पछि पहिलोपटक युरो सेमिफाइनलमा स्थान बनाएको इङ्ल्यान्डले यो जितसँगै एक कीर्तिमान पनि आफ्नो नाममा बनाएको छ । इङ्ल्यान्ड एक गोल पनि नखाई युरो कपको सेमिफाइनल पुग्ने पहिलो टोली बन्यो ।

इङ्ल्यान्डले समूह चरणमा क्रोएसिया र चेक गणतन्त्रलाई समान १-० ले पराजित गर्दा स्कटल्यान्डसँग गोलरहित बराबरी खेलेको थियो । 

इङ्ल्यान्डले अन्तिम १६ मा उपाधिको बलियो दाबेदार मानिएको जर्मनीमाथि २-० को जित दर्ता गर्‍याे । 

इङ्ल्यान्डले सेमिफाइनलमा डेनमार्कको सामना गर्नेछ । डेनमार्कले चेक गणतन्त्रलाई २-१ ले हराउँदै सन् १९९२ पछि पहिलोपटक युरो कपको सेमिफाइनलमा स्थान सुरक्षित गरेको हो ।