बलिउड अभिनेता सलमान खानले ‘बिग बोस–१५’ को नयाँ सिजनका लागि ३ सय ५० करोड भारतीय रुपैयाँ पारिश्रमिक लिएका छन् । उनलाई नयाँ सिजनको उद्घोषण गर्न उक्त रकम दिइने भएको हो ।

सलमानले १५ प्रतिशत पारिश्रमिक बढाउनु पर्ने माग गरेका थिए । बिग बोसको नयाँ सिजनको तयारी सुरु भएको छ । नयाँ सिजनको तयारी भएसँगै सलमानलाई मागेको पारिश्रमिक दिइने बताइएको छ ।

सेप्टेम्बर १८ मा बिग बोस ओटीटी सकिँदैछ । त्यसपछि ‘बिग बोस–१५’ को नयाँ सिजन प्रसारण हुनेछ । नयाँ सिजनको सुरुवात अभिनेत्री रेखाको आवाजमा रेकर्ड भएको प्रोमोबाट हुने सलमान खानले बताएका छन् ।

बिग बोसको नयाँ सिजनमा करण कुन्द्रा, मानव गोहिल, टिना दत्ता, अमित टन्डन, रीम शेख, सिंबा नागपाल लगायतका सेलीब्रेटीको सहभागिता रहने छ ।