गत सात आएको बाढीपहिरोबाट भएको क्षतिको स्थलगत अनुगमनका लागि प्रधानमन्त्री शेरबहादुर देउवा प्रदेश १ जाँदैछन्।
प्रधानमन्त्री देउवा आज बाढी पहिरोबाट सबैभन्दा बढी प्रभावित भएका पाँचथर र इलामको निरीक्षणका जाने उनको सचिवालयले जनाएको छ ।
उनले इलाम र पाँचथरका प्रमुख जिल्ला अधिकारीबाट त्यहाँको अवस्थाका बारेमा जानकारी लिनेछन् । सो क्रममा उनी मोरङको विराटनगर र सुनसरीमा समेत एक/एक कार्यक्रममा सहभागी हुने जनाइएको छ।
गत साताको बाढीपहिरोमा परी प्रदेश १ मा सबैभन्दा बढीले ज्यान गुमाएका थिए । त्यसमध्ये पाँचथरमा ३० जना र इलाममा १४ जनाकाे मृत्यु भएकाे थियो।
प्रधानमन्त्री देउवासहित उनको टोलीमा सञ्चार तथा सूचना प्रविधिमन्त्री ज्ञानेन्द्रबहादुर कार्की, ऊर्जा, जलस्रोत तथा सिँचाइमन्त्री पम्फा भुसाल, स्वास्थ्य तथा जनसंख्या राज्यमन्त्री भवानीप्रसाद खापुङलगायत पनि जानेछन्।
फरकधारमा प्रकाशित कुनै समाचारमा तपाईंको गुनासो भए हामीलाई [email protected] मा इमेल गर्न सक्नुहुनेछ । यही इमेलमा तपाईंले आफ्नो विचार वा विश्लेषण, सल्लाह र सुझाव पनि पठाउन सक्नुहुनेछ । हामीसँग तपाईं फेसबुक, ट्विटर, इन्स्टाग्राम, युट्युबमा पनि जोडिन सक्नुहुन्छ ।