गत साता निरन्तर ओरालो लागेको सेयर बजारमा यो साताको पहिलो दिन हरियाली छाएको छ । कारोबार रकममा खासै सुधार नभए पनि आइतबार नेप्से परिसूचक साढे २७ अंकले वृद्धि बन्द भएको हो । 

आइतबार परिसूचक २५८४ अंकमा पुगेर बन्द भएको हो । आइतबार दिनभरीमा २२५ कम्पनीको २ अर्ब ७७ करोड ३४ लाख रुपैयाँको सेयर कारोबार भएको छ । 

आइतबार व्यापारबाहेक सबै सूचकमा हरियाली छाउको छ । बढेको बजारमा बेष्ट फाइनान्स र रिडी हाइड्रोको सेयरमा सर्किट लागेको छ भने सबैभन्दा बढी कारोबार आइसीएफसी फाइनान्सको भएको छ ।  

उक्त कम्पनीले १५ करोड ९१ लाख रुपैयाँको कारोबार भएको छ । यसपछि एनआइसी एसिया बैंकको ९ करोड ३५ लाख रुपैयाँको सेयर कारोबार भएको छ ।