साग स्वर्णधारी नेपाली मुक्केबाज सनिल शाही सर्बियाको बेलग्रेडमा सोमबारदेखि सुरु भएको २१औं आइवा पुरुष विश्व बक्सिङ च्याम्पियनसिप अन्तर्गत ६७ केजी तौल समूहको अन्तिम ३२ मा पुगेका छन् ।
सोमबारका लागि तय भएको खेलमा इराकका खेलाडी इसाम अल ओहिदी उपस्थित नभएपछि सनिल स्वतः विजेता घोषित भएका हुन् ।
सनिलले बिहीबार आयोजक सर्बियाका अब्बासोभ भाखिदसँग अन्तिम १६ प्रवेशका लागि प्रतिस्पर्धा गर्नेछन् ।
दुई वर्षअघि नेपालमै भएको १३औं दक्षिण एसियाली खेलकुद (साग) मा सनिलले ६० केजी तौल समूहमा स्वर्ण पदक जितेका थिए ।
कात्तिक २० सम्म हुने प्रतियोगितामा सनिलसहित ४ नेपाली मुक्केबाजले भाग लिइरहेका छन् । भुपेन्द्र थापाले ६३.५ केजीमा, पुरन राईले ५७ केजीमा र रविन थापाले ४८ केजी तौल समूहमा प्रतिस्पर्धा गर्नेछन् ।
फरकधारमा प्रकाशित कुनै समाचारमा तपाईंको गुनासो भए हामीलाई [email protected] मा इमेल गर्न सक्नुहुनेछ । यही इमेलमा तपाईंले आफ्नो विचार वा विश्लेषण, सल्लाह र सुझाव पनि पठाउन सक्नुहुनेछ । हामीसँग तपाईं फेसबुक, ट्विटर, इन्स्टाग्राम, युट्युबमा पनि जोडिन सक्नुहुन्छ ।