गण्डकी प्रदेशका मुख्यमन्त्री कृष्णचन्द्र नेपाली पोखरेलले सामुदायिक वनका समस्यालाई प्राथमिकतालाई राखेर बजेट ल्याउने बताएका छन् ।

नवलपरासी (बर्दघाट-सुस्तापूर्व)को देवचुली नगरपालिका-१७ स्थित चौतारी सामुदायिक वन उपभोक्ता समूहले आयोजना गरेको रजत जयन्ती कार्यक्रमको उद्घाटन गर्दै मुख्यमन्त्री पोखरेलले यस्ताे बताएका हुन् ।

सामुदायिक वनमा विभिन्न किसिमका समस्या भएकाे र ती समस्या हल गर्न प्रदेश सरकार तयार रहेकाे मुख्यमन्त्री पाेखरेलकाे भनाइ छ ।

उनले भने,  ‘सामुदायिक वनमा विभिन्न खालका समस्या छन् । समस्या समाधानका लागि प्रदेश सरकार तयार रहेकाे छ । आगामी दिनमा सामुदायिक वनका समस्या प्राथमिकतामा राखी बजेट ल्याउने छाैं ।’ 

प्रदेश सरकारले काेराेनाबाट मृत्यु भएका परिवारलाई रु ५० हजार सहयाेग गर्ने, बेसहारालाई मानवसेवा आश्रममा राख्नेलगायतका कामहरू अगाडि बढाएकाे मुख्यमन्त्री पाेखरेलले बताए ।