दैलेखको आठबीस नगरपालिकाको मेयरका लागि नेकपा एमालेबाट उम्मेदवार रहेका तर्कबहादुर बडुवाल चढ्ने स्कार्पियो गाडीमा आगजनी भएको छ । 

चालक गाडीभित्रै सुतिरहेको समयमा आठबीस नगरपालिका–४ राकम कर्णालीको खोलीबजारस्थित श्रृष्टि होलमा पार्क गरी राखिएको बा १९ च ५५७९ नम्बरको स्कार्पियोमा गएराति अज्ञात समूहले आगजनी गरेको हो ।

चालकले टायरमा आगो लागेको थाहा पाएपछि तत्काल गाडी चलाएर नजिकै रहेको खोलाको नहरमा पुर्याएका थिए । जसकारण गाडीमा ठूलो क्षति भने नभएको बताइएको छ ।  
आगजनीमा संलग्नको खोजी भइरहेको इलाका प्रहरी कार्यालय राकम कर्णालीले जनाएको छ ।