नेपालमा हैजाका बिरामीको संख्या ३१ पुगेको छ । काठमाडौं उपत्यकासँगै आसपासका जिल्लामा समेत हैजा बिरामी पुष्टि भएको स्वास्थ्य तथा जनसंख्या मन्त्रालयले जनाएको छ । 

मन्त्रालयका अनुसार संक्रमितमध्ये तीन जनाको अस्पतालमा उपचार भइरहेको छ । काठमाडौंमा गत असार २ गते पहिलोपटक हैजा देखिएको थियो । 

हालसम्म हैजा पुष्टि हुनेहरु चार वर्षदेखि ७४ वर्ष उमेर समूहका रहेका छन् । सबैभन्दा बढी १५ देखि २४ वर्ष उमेर समूहका छन् । यस्तै ६ जना बालबालिकामा पनि हैजा पुष्टि भएको छ ।