महिला साफमा बंगलादेशले पाकिस्तानलाई पराजित गर्‍यो
फरकधार / २५ भदौ, २०७९

राजधानीमा जारी छैटौं संस्करणको महिला साफ च्याम्पियनसिप फुटबलमा बंगलादेशले पाकिस्तानलाई पराजित गरेको छ । त्रिपुरेश्वरस्थित दशरथ रंगशालामा शनिबार भएको पहिलो खेलमा बंगलादेशले पाकिस्तानलाई ६–० गोलको फराकिलो अन्तरले पराजित गरेको हो ।



बंगलादेशको जितमा कप्तान सबिना खातुनले ह्याट्रिक पूरा गरिन् भने मोनिका चक्मा, मोसाम्मत शोप्ना र रितु पोर्नाले एक एक गोल गरिन् । खेलको तेस्रो मिनेटमा मोनिकाले गोल गर्दै बंगलादेशलाई पहिलो अग्रता दिलाइन् ।

त्यस्तै खेलको २८औँ मिनेटमा शोप्नाले गोल गर्दै बंगलादेशलाई २–० को अग्रता दिइन् । खेलको ३१औँ मिनेटमा सबिनाले गोल गर्दै टिमको अग्रता तेब्बर पारिन् ।



खेलको ३५औँ मिनेटमा सबिनाले व्यक्तिगत दोस्रो गोल गर्दा ५९औँ मिनेटमा सबिनाले थप एक गोल गर्दै ह्याट्रिक पूरा गरिन् ।



त्यसपछि खेलको ७७औंँ मिनेटमा रितुले गोल गर्दै बंगलादेशलाई ६–० को जित दिलाइन् । बंगलादेशको यो लगातार दोस्रो जित हो । यसअघि भएको पहिलो खेलमा बंग्लादेशले माल्दिभ्सलाई ३–० ले पराजित गरेको थियो । 

पाकिस्तानको भने यो लगातार दोस्रो हार हो । पहिलो खेलमा पाकिस्तानले भारतसँग ३–० गोलको हार व्यहोरेको थियो ।

  • प्रकाशित मिति : भदौ २५, २०७९ शनिबार २०:३५:३२,  

फरकधारमा प्रकाशित कुनै समाचारमा तपाईंको गुनासो भए हामीलाई [email protected] मा इमेल गर्न सक्नुहुनेछ । यही इमेलमा तपाईंले आफ्नो विचार वा विश्लेषण, सल्लाह र सुझाव पनि पठाउन सक्नुहुनेछ । हामीसँग तपाईं फेसबुक, ट्विटर, टिकटक, युट्युबमा पनि जोडिन सक्नुहुन्छ ।


यस विषयसँग सम्बन्धित समाचार

यो सामग्री सेयर गर्नुहोस्


यो पनि नछुटाउनुहोस्
मल्टिमिडिया