काठमाडौं महानगरपालिकाले वीर अस्पताल अगाडिका टहरामा रहेका औषधि पसल हटाउने भएको छ । महानगरपालिकाले फर्मेसी सञ्चालकलाई हिजो २४ घण्टाभित्र औषधि पसल हटाउन निर्देशन दिएको थियो । तर, फार्मेसी सञ्चालकले तत्काल हटाउन नसकिने जवाफ दिएका थिए ।
महानगरका प्रहरी प्रमुख राजु पाण्डेका अनुसार आज दिउँसो १ बजेसम्म औषधि पसल नहटाए डोजर लगेर महानगर आफैंले हटाउने जानकारी गराइएको छ । ती औषधि पसल हटाएर वीर अस्पताललाई कुनै हानि नगर्ने तर नक्साविपरीत रहेका औषधि पसल हटाइने पाण्डेले जानकारी दिए ।
केही साता अघिदेखि काठमाडौं महानगरपालिकाले अवैध संरचना भत्काउने अभियान सुरु गरेको थियो । योबीचमा महानगरपालिकाले विभिन्न ठाउँका अवैध संरचना हटाएको छ ।
फरकधारमा प्रकाशित कुनै समाचारमा तपाईंको गुनासो भए हामीलाई [email protected] मा इमेल गर्न सक्नुहुनेछ । यही इमेलमा तपाईंले आफ्नो विचार वा विश्लेषण, सल्लाह र सुझाव पनि पठाउन सक्नुहुनेछ । हामीसँग तपाईं फेसबुक, ट्विटर, इन्स्टाग्राम, युट्युबमा पनि जोडिन सक्नुहुन्छ ।